"الواسطه لسه شغاله"

السلام عليكم ورحمه الله وبركاته

من يومين قريت قصيده لبيرم التونسي اسمها
"الواسطه لسه شغاله"
القصيده بتقول ايه

الواسطه لسه شغاله يا رجـــــالــه
والحاله هياها الحاله في كل مكان

لفندي قال و الأسطى هيه الواسطه
في كل مركز و محطه خاتم سليمان

تشغلك وانت فراش كاتب بمعاش
وتدخلك سينما ببلاش ويا الأخوان

داء في الكنانه مـتمكن او مـتـوطـن
وجرح ضارب ومعفن زي السرطان

الله يرحمك يا بيرم .. فنان من يومك يا بنى

المهم اخر بيتين زي متقولوا علموا في دماغي
طول النهار والليل مش سامع غيرهم وفي كل مكان شايفهم
فعلا داء متمكن زي السرطان سيطر على عقول الناس
والدليل على كده الأمثال الشعبيه التي اتقالت على الواسطه
واللى بتدل على اقتناع الناس بالواسطه وتغلغلها في عقولهم

ومن الامثال ديه :

اللى معندهوش واسطه...... يركن عالباسطه
اللى ليه ضهر .... مينضربش على باطنه
يا بخت من كان المدير ... خاله
لو نهر النيل صلصه ...... ميقديش الكوسه اللي في البلد
ابجنى .. تجدنى

وطبعا الكلام ده في كل حاجه في حياتنا لو معندكش واسطه تنداس بالجزم وحقك يضيع
طيب وايه الحل ... ؟؟؟؟
ايه العلاج .... ؟؟؟؟
فكرت كتير ودورت اكتر بصراحه مش لاقي حل
فى الاخر ملقتش غير الكلام ده
.
.
.

عزيزى المواطن : اذا كنت بلا كوسة فاعلم انك ستكون فى حوسة
مع تحيات مجلس الوزراء ولا عزاء للفقراء

فكل شىء من حولنا فى حاجة الى واسطة
او لابد له من كوسة حتى يتم على الوجه المطلوب

من الاخر حاجه تقرف وكلام ممل

-انتهى الكلام -

حتعقبوا عليه .. ولا اجيب واسطة !!!!